Имрӯз дар Донишкадаидавлатии фарҳанг ва санъати Тоҷикистон ба номи Мирзо Турсунзода дар доираи Фестивал-симпозиуми байналмилалии «Шашмақом» бо иштироки муовини вазири фарҳанги Ҷумҳурии Тоҷикистон Шарифзода Манучеҳр Муртазо, ҳайатҳои ҳунарӣ ва олимони санъатшиноси давлатҳои Тоҷикистон, Озарбойҷон, Туркманистон ва Эрон, устодон ва донишҷӯёни донишкада дарси маҳорат бо услуби «устод – шогирд» дар сатҳи баланди ташкилӣ баргузор гардид.
Чорабиниро ректори донишкада, доктори илмҳои филологӣ, профессор Муҳриддин Низомӣ ҳусни оғоз бахшида, меҳмонон ва ҷамъи ҳозиринро бо шукргузорӣ аз сулҳу ваҳдати миллӣ ва дастовардҳои Истиқлоли давлатӣ, арҷ гузоштан ба арзишҳои миллӣ, хусусан, «Шашмақом», ки дар зеҳну тафаккури миллати тамаддунофари тоҷик ҷойгоҳи махсус дорад, бо беҳтарин ва самимитарин таманниёт табрику муборакбод намуда, барояшон саломатию сарбаландӣ, шодкомию хуррамӣ, саодатмандию нусрат, рӯзгори пурфайзу баракат орзу намуд.
Муовини вазири фарҳанги Ҷумҳурии Тоҷикистон Шарифзода Манучеҳр Муртазо зикр намуд, ки бо шарофати соҳибистиқлолӣ ва амнияту осоиштагӣ мо ба арзишҳо ва асолати миллии худ рӯ оварда, баҳри ҳифз, рушд, эҳё ва муаррифии фарҳанги хеш саҳм гузошта истодаем. Истиқлоли фарҳанги миллат тақозо менамояд, ки мо тамоми самтҳои ҳаёти фарҳангии ҷомеаро бо таври яксон ва муназзам инкишоф дода, бедории миллӣ ва фарҳангиро таъмин намоем. Чанд рӯз аст, ки ба ифтихори Рӯзи «Шашмақом» дар саросари кишвари азизамон ҷашнворавутантанаҳоҳамоишҳои илмӣ-эҷодӣ ва чорабиниҳои гуногуни фарҳангӣ, азҷумла Фестивал-симпозиуми байналмилалии «Шашмақом» баргузор гардида истодааст ва табиист, ки ба истиқболиин рӯз аҳли эҷоду фарҳанг низ кӯшиш намуданд, то барои мо армуғоне омодасозанд. Бо итминон метавон иброз намуд, ки Фестивал-симпозиуми байналмилалии «Шашмақом» бори дигар мақоми санъати волои Шашмақомро дар ташаккули ҷаҳонбинии ҷомеа боло бурда, нақши тарбияи маърифатӣ ва иттилоотии онро боз ҳам афзун намуд. Фестивал-симпозиуми мазкур аҳли фарҳанги кишварҳои гуногунро бозҳам муттаҳид намуда, фазои муосири фарҳангии кишварро ғанӣ гардонд.
Мусаллам аст, ки фарҳанг дарҳама замонҳо рисолати созандагии миллатҳо ва халқиятҳоро иҷро намуда, дар ин радиф таҷрибаҳои таърихӣ собит кардаанд, ки давлатҳое, ки такя ба фарҳанг доранд, дар арсаи ҳама талошҳо комёб мебошанд. Қобили зикри хос аст, ки масъалаҳои омӯзиш татбиқи фарҳанги миллӣ дар меҳвари асосии сиёсати фарҳанг парваронаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонқарор доранд. Пешвои миллат махсусан таъкид намудаанд, ки ҳифз намудани арзишҳои фарҳангӣ, мутобиқи давру замон инкишоф додан ва бегазанд ба фардоиён расонидани онҳо вазифаи муқаддаси ватандӯстонаи ҳар кадоми мову шумост. Мо боядҳисси ифтихори миллӣ, масъулияти ҳифзи мероси фарҳангӣ ва осори таърихии худро дошта бошем. Ин дастури пурарзиши Сарвари давлат мо аҳли илму эҷодро водор месозад, ки баҳри гиромидошти арзшҳои фарҳанги миллии умумибашарӣ ваҳифзи мероси гаронбаҳои миллати тоҷик минбаъд низ саъйю талош намуда, намунаҳои беҳтарини фарҳангу санъати тоҷиконро, ки бозтобкунандаи чеҳраи фарҳангии мо мебошанд, дар сатҳи байналмилалӣ таблиғу муаррифӣ намоем.
Ҳайатҳои ҳунарии кишварҳои Озарбойҷон, Туркманистон, Эрон ва Тоҷикистон бо пешниҳоднамудани барномаҳои фарҳангии худ табъиҳозиринро болида гардонида, шарои мусоиди табодули таҷрибаро ба миён оварданд.
Дар анҷоми чорабинӣ аз тарафи Вазорати фарҳанги Ҷумҳурии Тоҷикистон барои саҳми назаррас гузоштан дар ташкил ва баргузории Фестивал-симпозиуми байналмилалии «Шашмақом» муовини ректор оид ба илм ва рушди инноватсия Аминӣ Алишер, дотсенти кафедраи сарояндагии халқӣ, Ҳунарпешаи мардумии Тоҷикистон Ҳаётой Муминова васардори шуъбаи илм ва муассисаҳои таълимии Вазорати фарҳанги Ҷумҳурии Тоҷикистон Алиакбар Ҳаётзода бо сертификат ва туҳфаҳои хотиравӣ қадрдонӣ гардиданд.
ҚУДРАТОВ Сино